Itni bhi kya Jaldi thi... Deepak Salwan
Itni jaldi bhi kya thi dost, kuch der aur to rukta
Yun to baat karne ko to kuch khaas nahin hota
Par agar tu hota to tere na hone ka ehsaas nahin hota
Itni bhi kya jaldi thi dost ….
Rah bhi nahi badlegi aur Zindagi usi raftaar se chalegi
Safar mein saath hota to khoob jamti , rahon mein teri kami zaroor khalegi
Itni bhi kya jaldi thi dost….
Kuch aur khaniyan likhte zindagi ki kitaab mein,
Kuch aur saal jud jaate dosti ke hisaab mein ,
Itni bhi kya jaldi thi dost…
Alvida to kehna hee tha ek din par, Itni bhi kya jaldi thi dost …
Comments
Post a Comment